Dia ho tohy vakana ve ?

Nampidirin'i ikalamako | 23 Feb, 2007

Dia mbola mitohy ny vaovao ratsiko androany. Adiny roa lasa izay aho no nahita io fahalasanan'i Dadan'i Joro io, dia nandefa hafatra tamin'ny zokiko vavy any Dago, sao sanatria mbola tsy tratr'antso rizareo. Kanefa dia novaliany tamin'ny hafatra iray indray aho fa eny an-dàlana ho any Toamasina izy handevina ny nenitoanay, zanak'olo-mirahavavy amin'ny mamanay sady nenitoa tianay be izy io. Dia nijojo indray aloha ny ranomaso.

Dia tsy hitako izay lazaina. Mbola tsy tapitra akory ity ny volana febroary 2007 !!!

Post ao anatin'ny Ankapobeny | Hevitra (6) | Verindrohy (trackback) (0)

Fandalovana tokoa ny eto.

Nampidirin'i ikalamako | 23 Feb, 2007

Kepoka  indray aho teo raha namaky gazety malagasy fa nodimandry indray i Dadan'i Joro ; rafozan'ny cousine-ko any Dago izy, saingy mifanerasera aminay koa satria efa indroa nivahiny teto aminay isaky ny mamonjy fivoriana aty.

Marina fa izany no andrasan'ny zanak'olombelona eto nefa ontsa ihany ny fo raha maharay vaovao ratsy toa izao. Indrindra fa nifanesy izy izay tato ho ato...

Handry am-piadanana anie izy !

Post ao anatin'ny Ankapobeny | Hevitra (0) | Verindrohy (trackback) (0)